Aqtóbede bilim bólimi men partııa otyratyn ǵımarattyń shatyry jandy
Aqtóbe oblysy Alǵa qalasynda ǵımarattyń shatyrynan órt shyqty. Munda aýdandyq bilim bólimi, «Amanat» partııasynyń aýdandyq fılıaly ornalasqan, dep habarlaıdy Kazinform agenttigi.
Oqıǵa búgin saǵat 10:10-da tirkeldi. Alǵa aýdany Seıfýllın kóshesindegi ǵımarattyń shatyry jandy.
«Alǵa aýdany bilim bólimi, partııa qyzmetkerleri otyratyn ákimshilik ǵımarattyń shatyry janyp, órt sóndirý bóliminen 26 qyzmetker men 7 tehnıka shyqty. Órt sóndirýshiler baspaldaq arqyly 3 adamdy qutqaryp qaldy. Oqıǵa ornynda 34 adam evakýatsııalandy. Kommýnaldyq jáne jedel járdem qyzmetteri oqıǵa ornynda boldy. Zardap shekkender joq», — dep habarlady oblystyq TJD baspasóz qyzmeti.
Órt arada 40 mınýt ótkende sóndirilgen. Qazir negizgi sebebi anyqtalyp jatyr.
Aqtóbe oblystyq bilim basqarmasynyń basshysy Jaıyq Sultannyń aıtýynsha, qujattyń bári elektrondy.
