Aqtóbede aýyl jastary saılaýǵa belsendi qatysyp jatyr

AQTÓBE. QazAqparat – Aqtóbede jergilikti ýaqytpen 9:30-daǵy derek boıynsha saılaýshylardyń 14,37 paıyzy óz tańdaýyn jasady. Saılaýda jastar da belsendi, dep habarlaıdy QazAqparat tilshisi.

Aqtóbe oblystyq saılaý komıssııasynyń tóraıymy Gúlnár Kúnbaevanyń aıtýynsha, búgin saǵat 9:30-da saılaý ótip jatqan aýyl turǵyndarynyń 14,37 paıyzy óz tańdaıyn jasady. ıAǵnı, 4601 adam daýys berdi. Eń belsendisi Qarǵaly aýdanynyń turǵyndary. Sondaı-aq Temir aýdanynyń jastary da tańdaý jasady.

«Men 18 jasqa tolyp, týǵan jerim Sarkól aýyldyq okrýginiń ákimin saılaý quqyǵyna ıe boldym. Elimizdiń bolashaǵy - jastardyń qolynda. Men tańdaýymdy jasadym. Zamandastarymdy da belsendi bolýǵa shaqyramyn», - dedi Mahambet Saǵyntaev.

Aıtyp óteıik, saılaýǵa alǵash qatysqandar men eń aldymen saılaý ýchaskesine kelip tańdaý jasaǵandarǵa estelik syılyq berildi.

«Aýyl ákimderin saılaý tártibimen taǵaıyndaý biz úshin jaqsy jańalyq. Men týǵan jerimniń jarqyn bolashaǵy úshin óz tańdaýymdy jasadym. Sóıtip aýylymnyń órkendeýi, áleýmettik-ekonomıkalyq jaǵdaıynyń ósýi jolynda úles qostym dep esepteımin», - dedi Sarkól aýylynyń jas mamany Mádına Saǵyntaeva.