Aqtóbede aýyl ákimine úmitkerlerdiń ortasha jasy - 40 jas
Aqtóbe oblysy boıynsha kandıdattardy tirkeý jumysy jalǵasyp jatyr. Búginde aýmaqtyq saılaý komıssııalary 111 adamnyń ótinishin qabyldap úlgerdi. Onyń 64-i partııa, 47-i ózin-ózi usyndy.
«Orta eseppen árbir okrýgke 3-4 adamnan kelip tur. Máselen, Qobda aýdanyndaǵy bir okrýgte 4, Shalqar aýdanynda 5 adam kandıdat retinde tirkeldi. Barlyǵy 111 adamnyń 71-niń qujaty zań talaptaryna saı keldi. Ózgesi áli tekserilip jatyr. Taǵy bir qyzyqty málimet, ákim bolýǵa nıetti úmitkerlerdiń 43-i sol okrýgte turady. Ózgesi basqa aýyl, aýdan, qaladan. Er adam kóp. Kandıdattardyń 95-i er adam bolsa, ózgesi áıel», - dedi oblystyq saılaý komıssııasynyń tóraıymy Gúlnár Kúnbaeva.
Jas ereksheligi de ártúrli. 25-29 jas aralyǵyndaǵy úmitkerler sany – 11. Al 30-35 aralyǵyndaǵy kandıdattar qatary – 32, 36-40 jas aralyǵynda 18, 41-45 jas aralyǵynda 15, 46-50 jas aralyǵynda 19 úmitker bar. Al 51-55 jas aralyǵyndaǵylar sany 7, 56-60 jasqa deıingi kandıdat qatary - 8, 61-63 jasqa deıingi bir úmitker tirkeldi.
«Úmitkerlerdiń ortasha jasy – 40 jas. Teń jartysyna jýyǵynyń pedagogıkalyq bilimi bar. Ekonomıst, zańger, ınjener, fermerler bar. Olardyń 62-i memlekettik qyzmetker bolsa, 28-i bıýdjettik saladan. Qazirgi ákimderdiń 10-y da qaıta saılaýǵa túsýge nıetti. Kandıdattardyń ekeýi jumyssyz», - dedi Gúlnár Kúnbaeva.