Aqtóbede áriptesin óltirgen temirjolshy sottaldy

AQTÓBE. KAZINFORM – Oqıǵa Aqtóbe-Almaty jolaýshylar poıyzynda boldy. Іssaparǵa shyqqan olar ishimdik iship, keıin bir-birimen janjaldasyp qalǵan. 

Bas kólik prokýratýrasy taratqan málimetke súıensek, qylmystyq oqıǵa ótken jyldyń qazan aıynda bolǵan. Temirjolshylar qyzmettik issaparǵa shyǵady. Sol kezde úsh áriptes poıyzdaǵy meıramhanaǵa baryp, ishimdik ishedi. Ekeýi janjaldasyp qalyp, vagondar aralyǵynda biri ekinshisine pyshaq suǵyp alǵan.

- Vagon tambýrynda óz áriptesin birneshe ret pyshaqtap, sonyń saldarynan jábirlenýshi oqıǵa ornynda kóz jumdy. Sot sottalýshyny Qylmystyq kodekstiń 99-baby 1-bóligi boıynsha kináli dep tanyp, oǵan 9 jylǵa bas bostandyǵynan aıyrý jazasyn kesti. Úkim zańdy kúshine endi, - dep habarlady Bas kólik prokýratýrasy.

Buǵan deıin habarlaǵanymyzdaı, Aqtóbede temirjolshy jumys ornynda jaraqat alyp, tósekke tańylyp qaldy. Dilhan Aımaǵambettiń jambasy synyp, tura almaıdy. Baýyrlary eńbek ınspektsııasynyń tekserý qorytyndysyn joqqa shyǵaryp, qaıta shaǵym túsirdi.