Aqtóbede áli de 7 mektep peshpen jylytylyp otyr

AQTÓBE. KAZINFORM – Bul mektepter úsh aýdanda ornalasqan. Ázirge tek Alǵa aýdany Taldysaı aýylyna mektep salýǵa sheshim qabyldandy. 

Aqtóbeniń Shalqar, Muǵaljar jáne Alǵa aýdandarynda 7 mektep ot jaǵyp otyr. Bul mektepterdiń jylytý peshi ǵımarat ishinde ornalasqan.

Alǵa aýdany Taldysaı aýylyndaǵy turǵyndar eki qabatty, biraq eski mektep máselesin sheship berýdi surady. Bul aýylda gaz bolǵanymen, mektepti jylytý úshin kómir paıdalanyp otyr. Ári jylytý qazandyǵy mektep ishinde ornalasqan.

- Taldysaı negizgi mektebiniń syıymdylyǵy – 80 oryndyq. Mektep 1975 jyly shlakbetonnan salynǵan. 2025–2026 oqý jyldarynda munda 39 bala bilim alyp jatyr. 2022 jyly tehnıkalyq tekserýden ótip, ǵımarat apatty jaǵdaıdyń aldynda dep tanyldy. Sondyqtan kúrdeli jóndeýge negizsiz dep tanyldy. Aýylǵa 60 oryndyq mektep salý úshin jobalyq-smetalyq qujat daıyndaldy. Qujatty ázirleýge oblystyq bıýdjetten 5,5 mln teńge bólindi. Memlekettik saraptamadan 2025 jyldyń jeltoqsan aıynda ótti. Jobanyń jalpy quny - 1,8 mlrd teńge,- dep habarlady Aqtóbe oblystyq bilim basqarmasy.

Aqtóbe oblystyq sáýlet, qurylys jáne qala qurylysy basqarmasynyń habarlaýynsha, qurylys jumystary bıyl bastalady.

Aıta keteıik, Aqtóbede jarty ǵasyr buryn salynǵan mektep sany — 80. Onyń ishinde beseýi aǵashtan, ekeýi qamystan salynǵan.