Aqtóbede adamdardy aldaǵan emshi tergeý aıaqtalǵansha qamaýda otyrady

AQTÓBE. KAZINFORM – Aqtóbe qalasynda emshige qatysty Qylmystyq kodekstiń «Alaıaqtyq» babymen is qozǵalyp, tergeý júrip jatyr. Sot 2 aı qamaýda ustaý týraly sanktsııa berdi. 

Aqtóbede «Alaıaqtyq» babynyń asa iri kólemde shyǵyn keltirý bóligimen is qozǵalyp, tergeý júrip jatyr. Oblystyq sottyń baspasóz qyzmetiniń habarlaýynsha, tergeý soty kúdiktini 2 aıǵa qamaýǵa sanktsııa berdi.

- Aqtóbe oblysynyń polıtsııa departamenti asa iri kólemde alaıaqtyq jasaý deregi boıynsha qylmystyq isti tergep jatyr. Іs boıynsha búgingi kúni otyzǵa jýyq jábirlenýshi bar. Sotqa deıingi tergep-tekserý barysynda Aqtóbe qalasynda dástúrli emes medıtsınamen aınalysqan áıel emdelýge kelýshilerin aldap, olarǵa nesıe rásimdetken, - dep habarlady oblystyq PD baspasóz qyzmeti. 

Eske salsaq, adamdar 1 mln teńgeden 18 mln teńgege deıin nesıe rásimdep, ony emshige bergen. Ázirge shyǵyn 100 mln teńge dep esepteldi.