Aqtóbede 5 jyl buryn tabylǵan ǵun dáýiri buıymdaryn rekonstrýktsııalaý bastaldy

AQTÓBE. QazAqparat - 2018 jyldyń maýsym aıynda Aqtóbeniń Qýraıly aýylyndaǵy karerden ǵun dáýirinde jerlengen adamnyń altyn buıymdary men at ábzelderi tabylǵan bolatyn. Rekonstrýktsııa arada bes jyl ótkende bastalyp otyr, dep habarlaıdy QazAqparat tilshisi.

Rekonstrýktsııa jumystaryn belgili arheolog-ǵalym, Á.Marǵulan atyndaǵy Arheologııa ınstıtýtynyń jetekshi ǵylymı qyzmetkeri Arman Bısembaev, etnograf-ǵalym, sýretshi Qalıolla Ahmetjan jáne atalǵan ınstıtýttyń bólim meńgerýshisi Aslan Mamedov júrgizedi.
«Derekterge súıensek, Aqtóbe ǵundardyń mekendegen ortalyǵy bolǵan. Eýropaǵa qonys aýdarǵanǵa deıin Aqtóbe óńirinde ómir súrgen. Olardyń mádenıeti de erekshe bolypty.
Sonyń biregeıi — Elek ózeni boıynan tabylǵan ǵun dáýirine jatatyn jaýyngerdiń oljalary. Tabylǵan artefaktilerdi rekonstrýktsııalaý jumystary bastaldy. Onyń ishinde jaýyngerdiń kıim-keshegi, qarý-jaraǵy men at ábzelderi bar»,- deıdi Aslan Mamedov.
Eske salsaq, sol kezde oblystyq tarıhı-ólketaný mýzeıiniń dırektory Meıram Nurlanuly arheologtar qazba jumystaryn júrgizgenin, tabylǵan zırat bizdiń zamanymyzǵa deıingi ІІ-ІV ǵasyrlarǵa jatatynyn aıtqan edi.

«Ol jerge bedeldi adamnyń jerlengenin aıtýǵa bolady. Adamnyń súıegi jatqan jerde baǵaly metaldan jasalǵan buıymdar bar. Attyń erin sary tústi metaldan áshekeılegen. Bas kıimi nemese kıimi de sary tústi metalmen kómkerilgen. Qazir bárin jınap alyp, mýzeıdiń qoryna saqtap otyrmyz. Tirkeý júrgizilip, qalpyna keltirý bastalady, - dedi ol.