Aqtóbede 300-ge jýyq adam koronavırýs ınfektsııasynan emdelip jatyr

AQTÓBE. QazAqparat – Aqtóbede koronavırýs ınfektsııasyn juqtyrǵan 300-ge jýyq adam statsıonarda jatyr. Onyń arasynda balalar men júkti kelinshekter bar, dep habarlaıdy QazAqparat tilshisi.

Aqtóbe oblysynda bir táýlikte 78 adamnan koronavırýs ınfektsııasy anyqtaldy. Onyń 15-i áli 14 jasqa tolmaǵan balalar arasynan tirkelse, ekeýi jasóspirim.

«Bıyl 14 jasqa tolmaǵan balalar arasynda 924 jaǵdaı tirkeldi. Jalpy oqýshylar arasynda 1544 derek tirkelse, onyń toǵyzy ótken táýlikte anyqtaldy. Negizi qazirgi kezde COVID-19-dyń taralýy tómendep kele jatyr», - dedi Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev. M

Aqtóbedegi ınfektsııalyq statsıonarlarda 294 adam em qabyldap jatyr. Onyń 21-i jansaqtaý bóliminde.

«6 naýqas ókpeni jeldetý apparatynda bolsa, onyń 13-i ınvazıvti emes ókpeni jasandy jeldetý appataryna tańyldy. Vırýs juqtyrǵan 434 balany dárigerler baqylaýǵa alsa, onyń 25-i statsıonarlyq emde. Báriniń jaǵdaıy ortasha aýyr. Sonymen birge 255 júkti áıeldiń 31-i statsıonarda», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, Aqtóbede 365 myńnan astam adam vaktsınanyń eki komponentin qabyldasa, 60 myńnan astamy revaktsınalaýdan ótti.

Pfizer vaktsınasyn 11 myńnan astam alam saldyrdy. Kóbi jasóspirimder.