Aqtóbede 200 kásipker ákimshilik jaýapqa zańsyz tartylǵan

Aqtóbe oblysynyń prokýratýrasy oblystyń memlekettik organdary ákimshilik quqyq buzýshylyq týraly zańnama normalarynyń talaptaryn saqtamaǵanyn anyqtady, dep habarlaıdy QazAqparat óńirlik prokýratýraǵa silteme jasap.

Ákimshilik quqyq buzýshylyq týraly kodeksiniń 62-baby 1-bóligine sáıkes mindetti medıtsınalyq saqtandyrýdy ýaqtyly tóleý týraly talaptardy buzǵany úshin adamdar quqyq buzýshylyq jasalǵan kúnnen 2 aı ótken soń ákimshilik jaýapqa tartylmaıdy.

Alaıda, oblystyń salyq organdary Kodekstiń 62-baby 2-bóligin qate qoldanyp, 200-den astam kásipkerdi ákimshilik quqyq buzýshylyq jasalǵan sátten 2 aı merzim ótkennen keıin ákimshilik jaýapqa tartqan.

Qazirgi tańda prokýrorlyq qadaǵalaý faktileri boıynsha salyq organdarynyń 200-den astam zańsyz ákimshilik qaýlylarynyń kúshi joıylyp, kásipkerlerdiń quqyqtary qalpyna keltirildi.

Kináli tulǵalar tártiptik jaýaptylyqqa tartyldy.