Aqtóbe jastary Denıs Tendi eske aldy
Búgin keshkilik aqtóbelikter hokkeı modýline jınalyp, sport sheberi Denıs Tendi eske alý baǵdarlamasyn tamashalady. Aqtóbe oblysynyń jastar saıasaty máseleleri basqarmasy, oblystyq jastar resýrstyq ortalyǵy men Aqtóbe qalasynyń dene tárbıesi jáne sport bólimi birlese uıymdastyrǵan sharaǵa sport ardagerleri, oqýshylar men stýdentter qatysty.
«Men Denıs Tendi eske alý keshine arnaıy daıyndaldym. Ózim mýzykalyq kolledjdiń stýdentimin. Keshte Shopenniń «Sad Edema» shyǵarmasyn oryndaýǵa kelistik. Bul muńly, syrǵa toly shyǵarma. Denıs Tendi eske alý keshinde biz oıymyzdy osy týyndymen jetkize aldyq dep oılaımyn»,- dedi Arýjan Jasybaı.
Ol mánerlep syrǵanaý sheberi Denıstiń ónerin úzbeı tamashalap, jarystarda jankúıer bolǵanyn aıtty.
Kesh kezinde «Olımp» sport mektebi shákirtteri sportshynyń ánine óner kórsetti. Al «Talant» stýdııasynyń shákirti Ádilet Túlkibaev arnaý monologyn oqydy.
«Álem tanyǵan Denıs Ten bárimizge úlgi boldy. Bizdi konkı tebýge úıretken onyń jeńisi edi. Árdaıym eske alyp, jadymyzda ustaımyz»,- dedi ol.
