Aqtóbe oblysynyń turǵyny alaıaqqa 25 mln teńge aýdarǵan
Alaıaqtardyń aıla-amaldaryna tek zeınetkerler ǵana emes, sonymen qatar aqsha sanaýdy biletinder de túsedi. Aldaýdyń qurbany Muǵaljar aýdanynyń 58 jastaǵy memlekettik mekemeniń býhgalteri boldy.
Áıelge belgisiz bireý qońyraý shalyp, oǵan 3 mıllıon teńge nesıe maquldanǵanyn habarlaǵan. Keıin belgisiz adam áıelge nesıeni krıptovalıýtasyna salýdy usynǵan. Áıelge «krıptovolıýtaǵa ınvestıtsııa salý» unaǵany sonshalyq, áıel barlyq jınalǵan 25 mıllıon teńgesin alaıaqqa aýdaryp jibergen.
Polıtsııa departamenti osyndaı qońyraýlar túsken kezde dúrbeleńge túspeýdi ske salady. Kez kelgen syltaýmen beıtanys adammen sóılesýdi toqtatyp, bankke habarlasyńyz.
«Esińizde bolsyn, bank qyzmetkerleri klıentterge mundaı suraqtarmen eshqashan qońyraý shalmaıdy. Sondaı-aq eshbir jaǵdaıda beıtanys adamdarǵa úshinshi tarap shottaryna aqsha aýdarýǵa bolmaıdy», – deıdi Aqtóbe oblysy boıynsha PD.
