Aqtóbe oblysynda karantın shekteýleri jeńildedi
Aqtóbe oblysynyń bas sanıtar dárigeri jańa qaýly shyǵardy. Qaýlyda karantındik shekteý sharalary jeńildetildi.
Jańa qaýlyǵa sáıkes «Ashyq» jobasyna qatysatyn nysandar úshin jumys jáne demalys kúnderi ýaqyt shekteýi bolmaıdy. Tek qyzmetkerler men kelýshilerdiń qaýipsiz «jasyl» mártebesi bolýy tıis.
«Jasyl» mártebe bolsa saltanatty, eske alý, sporttyq is-sharalar, kórme, konferentsııa, forým ótkizý, sport keshenderiniń, saýyqtyrý jáne dinı (jabyq keńistikterde ujymdyq ǵıbadat qyzmetterin ótkizý) obektilerdiń, oıyn-saýyq obektileriniń (oıyn klýbtary, kazıno, túngi klýbtar jáne karaoke), SOO, saýda jelileriniń qyzmeti (saýda alańy 1000 sharshy metrden asatyn azyq-túlik emes jáne saýda alańy 6000 sh.m.-den asatyn azyq-túlik), basseınge bara alady.
«Al beıtarap «kók» mártebesi bolǵan jaǵdaıda saýda alańy 1000 sh.m. deıingi saýda jelileriniń (azyq-túlik emes), sulýlyq salondary, SPA-ortalyqtar, jabyq bazarlar, ashana tıpindegi qoǵamdyq tamaqtaný obektileri, saýna, monsha, qonaq úı, avtovokzal men avtostantsııa, HQO, «Qazpochta» AQ bólimsheleri, bankterdiń qyzmetin esh kedergisiz qoldanady», - dedi oblystyq sanıtarııalyq-epıdemıologııalyq baqylaý departamentiniń baspasóz qyzmeti.
Sondaı-aq «kók» mártebesi bar adamdar endi teatr, kınoteatr, kontsert zaly, fılarmonııa, bılıard, boýlıng, kompıýterlik jáne lotereıa klýbtarǵa, balalarǵa arnalǵan oıyn-saýyq oryndaryna bara alady.
