Aqtóbe oblysynda aýyl ákimine úmitkerlerdiń qujaty qabyldanyp jatyr
Aqtóbe oblysynda 141 aýyldyq okrýg bar. Bıyl jumys isteý merzimi aıaqtalǵan aýyldarda ákimder saılanady. Barlyǵy 35 okrýg tizimge alyndy. Oblystyq saılaý komıssııasy aýmaqtyq saılaý komıssııalaryna barlyq erejeni túsindirdi. Úsh kún boıy arnaıy semınar ótkizilip, 12 aýmaqtyq saılaý komıssııasy jumysyn bastady. Qujat qabyldaý júrip jatyr.
«Saıası partııamen qatar adamdar ózin-ózi usyna alady. Jasy 25-ke tolýy kerek. Qazaqstan azamaty ǵana úmitker bola alady. Qylmystyq jaýapqa tartyldy ma, ákimshilik quqyqbuzýshylyqqa jol berdi me degen suraqtar da qaralady. Ózge oblystyń turǵyny da Aqtóbedegi aýylǵa ákim retinde úmitker bolyp tirkele alady. Qazirgi kezde 8 úmitker qujattaryn tapsyrdy. Onyń jeteýi Shalqar, bireýi Baıǵanın aýdany boıynsha úmitker. Ózin-ózi usynǵandardyń bári joǵary oqý ornyn bitirgen. Úsh zańger, úsh pedagog, ekeýi tehnıkalyq bilim alǵan. Ortasha jasy – 37. Shalqarda tórt okrýg ákimi ózgeredi. Olar: Kishiqum, Shetyrǵyz, Aqtoǵaı, Eset Kótibaruly», - dedi oblystyq saılaý komıssııasynyń tóraıymy Gúlnar Kúnbaeva.
Aıta keteıik, keıbiri sol aýylda turmasa da úmitker retinde tirkeldi. Bul kez kelgen Qazaqstan azamatynyń quqyǵy.