Aqtóbe oblysyndaǵy iri qara mal ýlanyp ólýi múmkin - AShM

ASTANA. KAZINFORM – QR Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti «Sanjar-T» sharýa qojalyǵyndaǵy janýarlardyń ólimi shilde aıynyń basynda bastalǵanyn habarlaıdy, alaıda ShQ basshysynan Aqtóbe oblystyq aýmaqtyq ınspektsııasyna resmı habarlama 26 shildede kelip túsken.

Aýyl sharýashylyǵy mınıstrliginen habarlaǵandaı, mal ólimi týraly aqparat alǵannan keıin jergilikti atqarýshy organnyń veterınarlyq stantsııasynyń veterınarlyq pýnktiniń meńgerýshisi oqıǵa ornyna kelip, odan ári zertteý úshin bir janýardy soıdy. Erekshe qaýipti aýrýlardy boldyrmaý úshin patologııalyq materıal tańdaldy.

«Bastapqyda organdarda ishki ózgerister baıqalmaǵany anyqtaldy, aldyn-ala dıagnoz — ýlaný dep tanyldy. Sonymen qatar, ýlanýdyń yqtımal sebepterin anyqtaý úshin janýarlar ustalǵan jaıylymdardan shóp synamalary alyndy.

Zertteý nátıjeleri 2024 jyldyń 1 tamyzynda shyǵady», — dep jazdy vedomstvodan.

ShQ basshysy veterınarııalyq qyzmetpen birlesip, belgilengen josparǵa sáıkes vaktsınatsııa men dıagnostıkany qosa alǵanda, barlyq qajetti epızootııaǵa qarsy sharalardy qabyldady.

ІQM turaqty kúndelikti baqylaýda. Aımaqtaǵy epızootııalyq jaǵdaı baqylaýda.