11:09, 18 Naýryz 2025 | GMT +5
Aqtóbe oblysyndaǵy aınalma jolda sý tasqyny boldy
ASTANA. KAZINFORM – QazAvtoJol Aqtóbe oblysynda aınalma jolda sý tasqyny tirkelgenin málimdedi.

- 18 naýryz tańǵy 07:00 shamasynda «Qandyaǵash - Embi - Shalqar – Yrǵyz» respýblıkalyq avtojolynyń 92 shaqyrymyndaǵy Jem kópiri mańyndaǵy aınalma jolda sý tasqyny tirkeldi. Tasqynnyń uzyndyǵy – 100 metr, al bıiktigi – 50 sm. Sý deńgeıiniń kóterilýine baılanysty kópir arqyly barlyq kóliktiń qozǵalysyna shekteý qoıyldy, - delingen habarlamada.
Jaıaý júrginshiler úshin qozǵalys ashyq.
Oqıǵa ornyna 7 arnaıy tehnıka men 15 maman jumyldyryldy.
Jol qyzmetiniń mamandary táýlik boıy monıtorıng jumystaryn júrgizip jatyr.
Eki oblystaǵy respýblıkalyq jolda kólik qozǵalysy shektelgenin jazǵan bolatynbyz.