Aqtóbe oblysynda joǵalǵan bala tabyldy

ASTANA. KAZINFORM – Qutqarýshylar Aqtóbe oblysynda joǵalǵan búldirshindi saıabaqtan aman-esen tapty.

Aqtóbe oblysy Tótenshe jaǵdaılar departamentiniń habarlaýynsha, 30 maýsymda Qandyaǵash qalasynda 2015 jyly týǵan balanyń joǵalǵany týraly aqparat 112 qyzmetiniń pýltine tústi.

Іzdestirý jumystaryna Tótenshe jaǵdaılar mınıstrliginiń jedel toby jumyldyrylyp, aýmaq sektorlarǵa bólindi. Bala barýy múmkin barlyq baǵyttar muqııat tekserildi.

- Qutqarýshylardyń úılesimdi jáne jedel is-áreketiniń nátıjesinde bala qaladaǵy saıabaqtan aman-esen tabylyp, medıtsınalyq kómekke muqtaj bolmaǵany anyqtaldy, - delingen aqparatta.

Tótenshe jaǵdaılar mınıstrligi ata-analarǵa balalaryn jol, saıabaq jáne jaryqtandyrylmaǵan aýmaqtarda qaraýsyz qaldyrmaýdy eskertedi.

Aıta keteıik, Aqtóbe oblysynda buzylyp qalǵan avtobýstan 69 shetel azamaty evakýatsııalandy.