Aqtóbe koronavırýs ınfektsııasyn juqtyrý kórsetkishi tómendedi

AQTÓBE. QazAqparat - Aqtóbe qazir «jasyl» aımaqta. Bir táýlikte 22 adamnan koronavırýs ınfektsııasy anyqtaldy, dep habarlaıdy QazAqparat tilshisi.

Aqtóbe «jasyl» aımaqqa ótti. Degenmen qazirgi kezde 225 naýqas aýrýhanada em qabyldap jatyr. Onyń 25-i jansaqtaý bóliminde. Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, 4 nasqas ókpeni jasandy jeldetý apparatyna qosylǵan.

«Qazirgi kezde bir bala, 9 júkti kelinshek statsıonarda jatyr. Olar dárigerler baqylaýynda. Infektsııalyq tósek-oryn júktemesi azaıdy. Qazir 37% qurap otyr. Jansaqtaý bólimindegi júkteme de dál sondaı», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, oblys turǵyndarynyń 70% vaktsınanyń eki komponentin saldyrdy. Al 79 myńnan astam adam revaktsınatsııadan ótti. Sonymen birge 13 376 adam Pfizer vaktsınasyn qabyldady.

«Spýtnık laıt» vaktsınasy tek aýdandarda ǵana bar. Qalada suranys bolyp, bitip qaldy. Ázirge bul vaktsınanynyń qansha doza keletini belgisiz», - dedi Bekbolat Іzbasarov.