Aqtóbe qalasynyń 10 aýdanyna SOS dabyl túımeleri ornatyldy

AQTÓBE. QazAqparat – Aqtóbe qalasynyń halyq kóp shoǵyrlanatyn, krımınogendi aımaqtaryna dabyl túımesi ornatyldy. Bul áp-sátte polıtsııa qyzmetkerinen kómek suraýǵa múmkindik beretin qondyrǵy, dep habarlaıdy QazAqparat tilshisi.

Aqtóbe oblystyq polıtsııa departamenti qoǵamdyq tártipti qadaǵalaý jáne adamdarǵa der kezinde kómek berý úshin qala ishine 10 SOS dabyl túımesin ornatty.

Bul - Memleket basshysynyń tapsyrmasymen «Polıtsııa qadamdyq qoljetimdilikte» tujyrymdamasy aıasynda atqarylǵan is.

Tsıfrlyq ınnovatsııalardy engizý jáne damytý sharasy kezinde demalys jáne adamdar kóp jınalatyn oryndar ádeıi tańdaldy.

«Bul oryndardy tańdaý kezinde krımınogendik jaǵdaı eskerildi. Aldaǵy ýaqytta SOS dabyl túımelerin qondyrý kezinde halyqtyń pikirin negizge alynady. Qylmystyń kýágeri bolsa, ózi qıyndyqqa tap bolsa, tótenshe jaǵdaı kezinde batyrmany basady. Jedel basqarý ortalyǵynyń polıtsııa qyzmetkerimen dereý baılanysqa shyǵady. Beınekameranyń kómegimen aımaq baqylaýda bolady. Tipti habarlasyp turǵan adamnyń bet-álpeti kórinedi. Aýdıo baılanys úzdiksiz júredi. Barlyq derek júıege avtomatty túrde jazylady. Tipti balaǵa da, eresek adamǵa da qoljetimdi bıiktikke ornatyldy», - dedi oblystyq PD basqarmasynyń bas mamany Ekaterına Gossen.

Aqtóbede SOS dabyl túımesi ornatylǵan oryndar:

1. Sh. Qaldaıaqov kóshesi, «Anvar» sýpermarketi.

2. Ábilqaıyr han dańǵylyndaǵy Ortalyq stadıon.

3. Eset batyr kóshesi men Á. Moldaǵulova dańǵylynyń qıylysy.

4. 101 atqyshtar brıgadasy men aǵ. Jubanovtar kóshesiniń qıylysy.

5. Batys-2 shaǵyn aýdanyndaǵy Máńgilik el kóshesi, Nazarbaev zııatkerlik mektebiniń mańy.

6. M. Mámetova kóshesi «Kereýen Sıtı» SOO.

7. «Shyǵys» bazary.

8. «Pýshka» eskertkishiniń mańy.

9. Shernııaz-Nekrasov kósheleriniń qıylysy.

10. Qarǵaly aýyly Sátbaev kóshesindegi «DINA» sýpermarketi.