Aqtóbe qalasynda bes kún boıy ystyq sý bolmaıdy

AQTÓBE. KAZINFORM – Kommýnaldyq mekemeler gıdravlıkalyq synaq ótkizip, jylý jelileriniń qysqa daıyndyǵyn tekseredi. 

«Aqtóbe JEO» AQ jáne «Aqtobe su-energy group» AQ qysqa daıyndyqty aıaqtap qaldy. Sol sebepti qubyrlardyń qazirgi jaǵdaıy taǵy bir tekseriledi.

- 10-15 qyrkúıek kúnderi «Aqtóbe JEO» AQ gıdravlıkalyq synaqtar júrgizedi. «Aqtobe su-energy group» AQ-y 14-15 qyrkúıek kúnderi magıstraldyq jáne ishki aralyq jylý jelilerine synaqty jalǵastyrady. Ystyq sý 16 qyrkúıekten bastap kezeń-kezeńimen qaıta qosylady, - dep habarlady «Aqtobe su-energy group» AQ-nyń baspasóz qyzmeti.

Aıta keteıik, bıyl Aqtóbede turǵyndarǵa 19 187 tonna kómir qajet. Temir jol tuıyqtarynda 1 700 tonna kómir (41-razezd – 1 680 tonna, Qandyaǵash – 20 tonna) bar. Baǵasy tonnasyna 19 500 - 26 000 teńge arasynda.