Aqtaýlyq turǵynnan 90 keliden astam bekire balyǵy tárkilendi

AQTAÝ. QazAqparat - Mańǵystaýlyq polıtseıler Aqtaýǵa aparar jolda bekire tuqymdas balyǵyn zańsyz tasymaldap kele jatqan kólikti ustady, dep habarlaıdy QazAqparat tilshisi.

Mańǵystaý oblysy Polıtsııa departamentiniń baspasóz qyzmetinen málim etkendeı, polıtseıler Aqtaý qalasynyń mańyndaǵy avtojolda Toyota Camry markaly avtokóligin toqtatqan.

«Tekserý barysynda jalpy salmaǵy 90 keliden asatyn 26 dana balyq tárkilendi. Bul rette 29 jastaǵy júrgizýshi qandaı da bir ruqsat qujattaryn kórsete almady. Atalǵan fakti boıynsha QR QK 339-babynyń 1-bóligi boıynsha sotqa deıingi tergeý júrgizilýde. Qazir kúdikti eshqaıda ketpeý týraly qolhatpen júr», - delingen baspasóz habarlamasynda.