Aqtaýlyq turǵyn Antarktıdaǵa saıahat jasady

AQTAÝ. KAZINFORM – Aqtaý qalasynyń turǵyny Rýslan Chýrov bala kúngi armanyna qol jetkizip, jerdiń eń sýyq kontınentine saıahat jasap keldi. 10 kún boıy Antarktıda bolǵan saıahatshy áserimen bólisti.

Ақтаулық тұрғын Антарктидаға саяхат жасады
Фото: Руслан Чуров

— Antarktıdany, ondaǵy pıngvınderdi tabıǵı ortasynda kórý men úshin arman edi. Biraq taǵdyr kútpegen syı jasady. Oılamaǵan jerden usynys túsip, men birden kelistim, — deıdi Rýslan.

Aqtaýlyq turǵyn Antarktıdaǵa saıahat jasady
Foto: Rýslan Chýrov

Saıahatshynyń sapary 20 kúnge sozylǵan. Onyń 10 kúnin Argentınada, qalǵanyn Antarktıda ótkizgen. Rýslan muz qursaýyndaǵy materıkke barý úshin tyńǵylyqty daıyndalǵanyn aıtady. Bir-birine sáıkes ushaq reısterin tabýdyń ózi ońaı bolmapty. Ol aldymen Antarktıdanyń qaqpasy sanalatyn Argentınanyń Ýshýaııa qalasyna barǵan.

Aqtaýlyq turǵyn Antarktıdaǵa saıahat jasady
Foto: Rýslan Chýrov

— Qazaqstannan Ýshýaııaǵa ádette eki-úsh kúnde jetýge bolady. Antarktıdaǵa krýızder osy Ýshýaııa qalasy arqyly bastalady. Degenmen, men Argentınamen de tanysý úshin saıahatymdy uzartýdy jón kórdim, — deıdi saıahatshy.

Antarktıdaǵa ol zamanaýı ári, jaıly «Magellan Explorer» muzjarǵyshymen jetken. Aıtýynsha, krýızderiniń quny 10-nan 16 myń dollarǵa deıin, al ushý jáne turý shyǵyndary - shamamen 1,5-2 mıllıon teńge. Saıahatshy muzdy aımaqqa aıaq basqanda ózin shytyrman oqıǵaly fılmniń keıipkerindeı sezingenin aıtady.

Aqtaýlyq turǵyn Antarktıdaǵa saıahat jasady
Foto: Rýslan Chýrov

— Men kartalar taýsylyp, muzdyń sıqyry bastalatyn jerge bardym. Jer betiniń bir shetine jetip, aıaǵym muzǵa tıgende erekshe sezimde boldym. Tabıǵattyń sheberligine qatty tań qaldym. Bir mezgilde bárin taspalap ta, únsiz tańdanyspen turǵym da keldi. Bilesiz be? Armandar shynymen oryndalady! — dep ol qýanyshymen bólisti.

Rýslan Chýrov saıahat barysynda qýanyshty sezimmen qatar, qorqynysh bolǵanyn da jasyrmady. Óıtkeni, aınalada qalyń muzdan basqa eshteńe joq. Biraq, jup-jubymen júrgen súıkimdi pıngvınder, qaıyqtan birneshe metr jerde júzgen kıtter, polıarlyq kún astynda jarqyraǵan muzdyqtar umytylmas áser qaldyrǵan.

Aqtaýlyq turǵyn Antarktıdaǵa saıahat jasady
Foto: Rýslan Chýrov

— Bul jáı ǵana ádemi emes, bastapqy qalpynda turǵan jaratylys. Antarktıdany jerdiń «sońǵy shekarasy» dep ataıtynyn endi túsindim. Ony baǵyndyrý múmkin emes. Qupııasyn ǵana sezinesiń jáne júrekte máńgi iz qaldyrady, — deıdi saıahatshy.

Buǵan deıin, Antarktıdada jańa temperatýra rekordy tirkelgeni týraly jazǵan bolatynbyz.

Сейчас читают