Aqtaýǵa Reseıden charterlik reıspen alǵashqy týrıster keldi
Aqtaý irgesindegi «Rixos Water World Aktau» qonaq úıi men reseılik «Anex tour» týroperatory kelisim jasap, 2 jyldan beri turaqty jumys istep keledi. Kelisim aıasynda búgin Aqtaýǵa Ekaterınbýrg qalasynan 100-den astam saıahatshy saparlap keldi. Týrıster 197 týrıstik baǵyt boıynsha túbektiń tumsa tabıǵatyn tamashalaıdy.
«Biz Qazaqstan týrızmin damytý úshin jumys istep jatyrmyz. Aldaǵy ýaqytta mundaı charterlik reıster qaıtalanatyn bolady» - dedi týroperatordyń ókili Kan Chelık.
Al saıahatshy Marına Esenetskaıa bul sapardan este qalarlyq sátterdi kútetinin aıtady.
«Bul meniń Aqtaýǵa alǵash ret kelýim. Jolda 2 saǵat ushyp keldik. Barlyǵy keremet. Bir apta demalysty josparladyq. Aldaǵy kúnderi kún jyly bolady. Tabıǵatty tamashalaýdan keremet áser alamyn dep oılaımyn» - deıdi týrıst.
Aıta keteıik, taıaýda Irannan charterlik reıspen týrısterdiń alǵashqy legi óńirge saıahattap keldi. Aldaǵy ýaqytta charterlik reıspen Aqtaýǵa qatynaıtyn týrısterdiń qatary kóbeıetin bolady.
