Aqtaýǵa mınıstr Shyńǵys Árinov bardy
AQTAÝ. KAZINFORM – Ushaq apaty bolǵan Aqtaýǵa Qazaqstan Respýblıkasynyń TJ mınıstri Shyńǵys Árinov bardy. Bul týraly QR TJM baspasóz qyzmeti málim etti.
— Avarııalyq-qutqarý jumystaryna 482 adam, 97 birlik tehnıka, 2 áýe kemesi jáne 4 kınologııalyq eseptop jumyldyryldy. TJM kınologııalyq qyzmetiniń qatysýymen izdeý jumystary júrgizilip jatyr. Beınekonferentsbaılanys rejıminde Qazaqstan, Reseı jáne Ázirbaıjan TJM aqparat almasyp otyr, — delingen habarlamada.
Azerbaijan Airlines avıakompanııasynyń resmı derekteri boıynsha bortta 5 ekıpaj múshesin qosa alǵanda 67 adam bolǵan. Jolaýshylardyń arasynda: 6 Qazaqstan azamaty, 42 Ázirbaıjan azamaty, 3 Qyrǵyzstan azamaty, 16 Reseı azamaty, 1 adamnyń azamattyǵy anyqtalýda. Ekıpaj músheleriniń barlyǵy Ázirbaıjan azamattary.
Oqıǵa saldarynan 29 adam, onyń ishinde 3 bala aýrýhanaǵa jatqyzyldy. Onyń ishinde 15 Ázirbaıjan azamaty, 9 Reseı azamaty, 2 Qyrǵyzstan azamaty, 3 adamnyń azamattyǵy anyqtalyp jatyr.
Jedel jeli telefondaryna 571 ótinish tústi.
Oqıǵa ornynda 432 adam, 79 birlik tehnıka, 2 áýe kemesi jáne 10 kınologııalyq eseptop jumyldyryldy.
Túpqaraǵan aýdany ákimdiginiń ókimimen jergilikti aýqymdaǵy tótenshe jaǵdaı rejımi jarııalandy.
TJM kınologııalyq qyzmeti izdeý jumystaryn júrgizýde.
Qazaqstan, Reseı jáne Ázirbaıjan TJM beınekonferentsbaılanys rejıminde aqparat almasyp otyr.
Eske sala keteıik, buǵan deıin oqıǵa ornyna Premer-Mınıstrdiń orynbasary Qanat Bozymbaev bastaǵan Úkimettik komıssııa jetkenin habarlaǵan bolatynbyz.
Aqtaýdaǵy ushaq apatyna baılanysty Ázerbaıjan Respýblıkasynan arnaıy delegatsııa keldi.