Aqtaýdaǵy jaǵajaıda jasóspirim sýǵa batyp ketti

AQTAÝ. QazAqparat – Aqtaýdaǵy Prımorskıı aýyly mańyndaǵy jaǵajaıda 1 jasóspirim sýǵa batyp mert boldy, taǵy eki balany turǵyndar aman alyp qaldy.

Bul týraly Mańǵystaý oblystyq Tótenshe jaǵdaılar departamentiniń baspasóz qyzmeti habarlady dep jazdy lada.kz.

Qaıǵyly oqıǵa týraly habar qutqarýshylarǵa 2 maýsym kúni saǵat 17:13-te túsken.

«Kýágerler Prımorskıı turǵyn úı alabyna qarama-qarsy ornalasqan jaǵajaıda 17 jastaǵy jasóspirimniń sýǵa batyp ketkenin aıtty. Taǵy eki balany kýágerler qutqaryp alǵan. Qazirgi tańda oqıǵa ornynda súńgýirler jumys istep jatyr»,-dep habarlady Mańǵystaý oblysynyń Tótenshe jaǵdaılar departamentinen.