Aqtaýdaǵy mektepke Farıza Ońǵarsynova esimi berildi
Mekteptegi memorıaldy taqtanyń ashylýyna aqynnyń sińlisi Almagúl Ońarsynova, oblys ákiminiń orynbasary Qanybek Jumashev qatysty. Sondaı-aq mektepte Farıza Ońǵarsynovanyń kabıneti de ashyldy. Onda oqyrmandar aqynnyń shyǵarmashylyǵymen tanysa alady.
«Atyraýda týyp, Alashqa áıgili bolǵan Farıza Ońǵarsynova úshin Mańǵystaýdyń orny erekshe bolǵan. Farızany eshkim Mańǵystaýdan bólip qarastyrmaıdy. Aqynǵa degen halqynyń yqylasy da tipten erek. Mańǵystaýlyqtar muny mereıtoıy qarsańnada taǵy dáleldeı túskendeı. Poezııa padıshasy Farıza Ońǵarsynovanyń esimi berilgendigi mektebimiz óte qýanyshtymyz. Sodan beri qaraı is-sharalar ótkizilip jatyr. Farıza apamyzdyń ómiri men shyǵarmashylyǵyna arnalǵan on kúndik te ótkizdik»,-deıdi
F. Ońǵarsynova atyndaǵy mekteptiń dırektory Jaına Іzturǵanova.
Aqyn ómirinde de, ónerin de de Mańǵystaý bar. Tipti aqynnyń 1969 jyly «Mańǵystaý marjandary» atty jyr jınaǵy shyqty. Al endi sol jáne ózge de shyǵarmalaryn, onyń ómirin aqyn atyndaǵy mekteptiń oqýshylary arnaıy jasaqtalǵan kabınet arqyly tanysa alady. Munda tek kitap, jýrnaldar ǵana emes sonymen qatar aqynnyń tutynǵan buıymdary da bar.
