Aqtaýdaǵy Qashaǵan eskertkishin jóndeýge 25 mıllıon teńge bólindi

AQTAÝ. QazAqparat - Aqyn, jyraý Qashaǵan Kúrjimanulyna ornatylǵan eskertkish jóndeýden ótedi, dep habarlaıdy Qazaqparat tilshisi.

Bul týraly Aqtaý qalalyq turǵyn úı-kommýnaldyq sharýashylyq bóliminiń basshysy Qaırat Aqybaev habarlady. Qurylys jumystaryna bıýdjetten 25 mıllıon teńge bólý josparlanyp otyr.

«Kelesi jyldyń kókteminde jóndeý jumystary bastalady. Barlyq qajetti esepteýler júrgizilgen. 2020 jyly tender jarııalanbaq», - deıdi Qaırat Aqybaev.

Qashaǵan Kúrjimanulyna qoıylǵan eskertkish aqynnyń 170 jyldyǵyna oraı 2017 jyly ornatylǵan bolatyn. Qazir eskertkishtiń eskirýine oraı, kúrdeli jóndeýden ótkizilmek. Keramogranıtti tolyq aýystyrý qarastyrylǵan.