Aqtaýda joǵarǵy qabattan qulaǵan er adamnyń sýıtsıd jasaǵany belgili boldy
AQTAÝ. KAZINFORM — Aqtaýda shaǵynaýdandardyń birindegi kópqabatty úıdiń joǵarǵy bóliginen qulaǵan er adam oqıǵa ornynda jan tapsyrdy.
Aldyn ala boljam boıynsha er adam ózine qol salyp, joǵary qabattan sekirip ketken.
Turǵyndardy dúrliktirgen oqıǵa 8 shaǵynaýdandaǵy 18-úıde boldy.
Keıin oqıǵanyń kýágerleri tıisti oryndarǵa habar berip, polıtsııa men jedel járdem qyzmeti kelgen.
«Qaıǵyly oqıǵaǵa qatysty polıtsııa ózin ózi óltirýge deıin jetkizý deregi negizinde sotqa deıingi tergeý jumysyna kiristi. Budan basqa málimet ázirge tergeý qupııalylyǵyna baılanysty jarııalanbaıdy», — dedi Mańǵystaý oblystyq PD baspasóz qyzmeti.
Osyǵan deıin Aqtaýda kólik jóndeý tsehynda órt shyǵyp, Ózbekstan Respýblıkasynyń azamaty aýyr jaǵdaıda aýrýhanaǵa túskeni málim boldy.
Zardap shekken adam qazir jansaqtaý bóliminde jatyr.