Aqtaýda jastar kúnine oraı «Jınalaıyq» is-sharasy ótedi
2022 jyldan bastalǵan «Jınalaıyq» jobasy óńirdegi mýzyka jáne horeografııa baǵytyndaǵy jas talanttardy anyqtaýǵa, olardy qoldaýǵa baǵyttalǵan. Al bıyl joba aýqymdy deńgeıde ótip jatyr. Kastıng jarııalanyp, jańa ónerpazdardyń esimi jastar arasynda tanylyp jatyr.
«Bıyl joba aıasynda 22 ónerpaz top ishinen sýyrylyp, sahnada óner kórsetýge múmkindik aldy. Jyldyń alǵashqy «Jınalaıyq» sharasy 27 mamyr kúni ótti. Onda 10-ǵa jýyq jas talant 170-ten astam kórermenniń aldynda alǵash ret avtorlyq ánderin oryndady. Jalpy osy ýaqytqa deıin júzdegen jas ashyq alańda korqynyshyn jeńip, emin-erkin óner kórsetti» dedi «Aktownx» shyǵarmashylyq birlestiginiń negizin qalaýshy Nursultan Murzabek.
Aıta keteıik, «Aktownx» shyǵarmashylyq birlestigi 2019 jyldan beri jastar arasynda tanymal. Negizgi maqsaty - jas urpaqtyń shyǵarmashylyq belsendiligin, kásibı biliktiligin kóterý, ózin-ózi jetildirý daǵdysyn qalyptastyrý. Sonymen qatar Mańǵystaý oblysynda úlken netvorkıng alańyn qurý arqyly jastardyń talantyn damytýǵa qolaıly jaǵdaı jasaý.
