Aqtaýda jańa botanıkalyq baq ashyldy
Jańa baqtyń ashylý saltanatyna oblys, qala basshylyǵy jáne Qazaqstan, Reseı, Ázirbaıjannan kelgen ǵalymdar qatysty.
Qonaqtarǵa jańa botanıkalyq baq aýmaǵyna ekskýrsııa uıymdastyryldy. Olar ártúrli sý ósimdikterin ósiretin jańa sý qoımasy, tuqym sharýashylyǵy, fızıologııa jáne bıohımııa zerthanalary, Qazaqstannyń tabıǵı florasy bar gerbarıı qorymen tanysty.
«Úsh jyl buryn munda eshteńe bolǵan joq. Qazir naǵyz oazıs, tańǵalarlyq, orasan zor nátıjeni kórip, kýási bolyp turmyz. Árıne, munda basshynyń da, ujymnyń da eńbegi zor. Baý-baqsha ósirýmen qatar, qalanyń ózin abattandyrýǵa da kóp kóńil bólinetinin bilemin. Turaqty sýarý, jasyl aýmaqtardy kútip ustaý qajet. Eń bastysy, búginde baı ǵylymı tájirıbe jınaqtaı alamyz, óıtkeni mundaǵynyń barlyǵyn qarapaıym qolmen jasaý múmkin emes. Mańǵystaý aımaǵy shóleıtti. Bul óńirde jasyl-jelek ósirý óte qıyn, qolaısyz. Osyǵan qaramastan kóp ter tógilip jatyr«, – dedi Ortalyq Sibir botanıkalyq baǵy dendrologııa zerthanasynyń meńgerýshisi, bıologııa ǵylymdarynyń doktory Evgenıı Banaev.
Botanıkalyq baqtyń jumysyna Mańǵystaý, Jezqazǵan jáne Altaıdan kelgen mamandar tartyldy.
