Aqtaýda Shotan batyrǵa arnalǵan eskertkish salynady

AQTAÝ. QazAqparat - Aqtaýda Shotan batyrǵa arnalǵan eskertkish salynady. Bul jóninde qoǵamdyq talqylaýda aıtyldy, dep habarlaıdy QazAqparat tilshisi.

Eskertkish batyrdyń XVIII ǵasyrda qazaq jeriniń bútindigi jolynda shaıqasqan erligi men qaısarlyǵyn jas urpaqqa dáripteý maqsatynda ornatylmaq.

Er Shotan Jońǵar shapqynshylyǵy kezinde Abylaı men Ábilqaıyr hannyń senimdi serigi, tańdaýly sardary bolǵan. Qarakereı Qabanbaı, Qanjyǵaly Bógenbaı, Hangeldi jáne Ótegen batyrlarmen birge qazaq qolynyń bir bóligine basshylyq etken.

Shotan batyr urpaqtarynyń birneshe jyldan beri kótergen rýhanı máselesi búginde oblys jáne qala ákimdigi tarapynan qoldaý taýyp, El Táýelsizdiginiń 30 jyldyǵyna oraı Aqtaýdaǵy №18 avtojol boıyndaǵy úlken plakat janyna turǵyzylmaq.

Qoǵamdyq talqylaýǵa jınalǵan belsendiler men oblystyq jáne qalalyq depýtatttar batyr eskertkishin biraýyzdan maquldady.