Aqtaýda onnan asa shaǵyn aýdanda sý toqtady

Aqtaýda magıstraldyq aýyz sý qubyrynda jóndeý jumystarynyń júrgizilýine baılanysty onnan asa shaǵynaýdanda ýaqytsha sý berý toqtatyldy, dep habarlaıdy Kazinform.

Qazirgi tańda qala boıynsha sýdyń qysymyn retteý úshin 7 dana kótergish sorǵy stantsııasy ornatylǵan. Al 4 sorǵy stantsııasy kommýnıkatsııaǵa qosylǵan. Endi 3 sorǵy stantsııasyn magıstraldi aýyz sý qubyryna qosý jumystary júrgizilip jatyr.

- Qala boıynsha sý qysymyna kóp shaǵym túsýine baılanysty 7 sorǵy stantsııasy ornatylǵan edi. Buǵan deıin 6, 7, 24 jáne 11-shaǵynaýdandarda 4 sorǵy stantsııasy ınjenerlik jelilerine qosyldy. Búgin qalǵan 3 sorǵy stantsııasyn qosqannan keıin, barlyq 7 sorǵy stantsııasy óz jumysyn bastaıdy, - dedi «Kaspıı jylý, sý arnasy» MKK dırektorynyń orynbasary Islıam Úsenov.

Aıta ketsek, ótken aıda avarııalyq jóndeý jumystary bolyp, 30-ǵa jýyq shaǵyn aýdanda sý toqtap qalǵan bolatyn.