Aqtaýda káriz qudyǵynan shala týǵan shaqalaq tabyldy

NUR-SULTAN. QazAqparat – Aıy-kúni jetpeı týǵan jansyz shaqalaq qaladaǵy káriz qudyǵynyń birinen tabylǵan, dep habarlaıdy QazAqparat oblystyq polıtsııa departamentine silteme jasap.

«Búgin, 9 maýsymda saǵat 11:51-de kezekshi 102 pýltine Aqtaý qalasynyń 32-shaǵyn aýdanynda kárizden 9 aıy tolyp, ómirge kelmegen sharana tabylǵany týraly shaqyrý tústi. Oqıǵa ornynda jedel-tergeý toby jumys istep, sot-medıtsınalyq saraptama taǵaıyndaldy. Tergeý sharalary júrgizile bastady», - delingen PD habarlamasynda.

Atalǵan fakt QR QK 001-baby (adamnyń qaıtys bolýy) boıynsha SDTBT-de tirkeldi.