Aqtaýda destrýktıvti dinı aǵymnyń jaqtastary ustaldy

AQTAÝ. QazAqparat - Aqtaýda 1-shaǵynaýdanda destrýktıvti dinı aǵymnyń jaqtastary ustaldy, dep habarlaıdy QazAqparat Mańǵystaý oblystyq polıtsııa departamentiniń baspasóz qyzmetine silteme jasap.

Shuǵyl quryqtaý opeartsııasy keshe Aqtaýdaǵy 1-shaǵynaýdandaǵy jaǵalaýda boldy.

Kúdiktilerde atys jáne travmatıkalyq qarý-jaraq pen olarǵa arnalǵan oq-dári tabyldy. Qazirgi ýaqytta sot-ballıstıkalyq saraptama taǵaıyndaldy.

«Oblys aýmaǵynda destrýktıvti dinı aǵym jeteginde júrgen adamdardy qadaǵalaý barysynda 8 jeltoqsanda Mańǵystaý oblysy polıtsııa departamentiniń ekstremızmge qarsy is-qımyl bólimshesiniń jáne JPB qyzmetkerleri jedel izdestirý sharalary barysynda Aqtaý qalasynyń 1-shaǵyn aýdany jaǵalaýy aýdanynda úsh avtokólikte bolǵan bir top adamdy ustady» dep habarlaıdy departamenttiń baspasóz qyzmeti.

Ustalǵandardan úsh atys qarýy, tórt myltyq pen oq-dári tárkilendi.

Atalǵan fakti boıynsha Aqtaý qalasynyń polıtsııa basqarmasy QR QK 287-baby 2-bóligi boıynsha sotqa deıingi tergeý júrgizýde.