Aqtaýda alǵash ret mektep komandalary arasynda shahmattan álem chempıonaty ótedi

AQTAÝ. QazAqparat - 3-8 tamyz aralyǵynda Aqtaý qalasynda Kaspıı teńiziniń jaǵasynda álemde tuńǵysh ret World Schools Team Championship ótedi, dep habarlaıdy QazAqparat tilshisi.

Chempıonatqa shahmat úıirmeleri men sektsııalarynyń tárbıelenýshileri emes, shahmatty jaqsy kóretin qarapaıym áýesqoı mektep oqýshylary qatysady.

Chempıonat 12 jasqa deıingi jáne 18 jasqa deıingi eki kategorııa boıynsha ótedi.

50 elden 300-ge jýyq qatysýshy keledi dep josparlanyp otyr. Perý, Madagaskar, San-Tome jáne Prınsıpıden qatysýshylar keledi.

Chempıonatta Qazaqstannyń namysyn 6 qaladan 10 mektep qorǵaıdy. Olar:

- IT mektep-lıtseıi, Aqtaý qalasy;

- N.Marabaev atyndaǵy №7 mektep-lıtseıi, Aqtaý qalasy;

- M.Gandı atyndaǵy №92 mamandandyrylǵan lıtseıi, Almaty qalasy;

- Respýblıkalyq fızıka-matematıka mektebi, Almaty qalasy;

- Almaty qalasy fızıka-matematıka baǵytyndaǵy Nazarbaev Zııatkerlik mektebi;

- №72 mektep-lıtseıi, Astana qalasy;

- Respýblıkalyq fızıka-matematıka mektebi, Astana qalasy;

- Atyraý oblystyq «BІLІM-INNOVATsIıA» lıtseı-ınternaty;

- Daryndy balalarǵa arnalǵan № 8 lıtseı-mektebi, Pavlodar qalasy;

- O.Joldasbekov atyndaǵy №9 IT lıtseıi, Shymkent qalasy.

Komandalardyń tıimdi daıyndyǵy úshin Qazaqstan shahmat federatsııasy chempıonat qarsańynda Býrabaıda oqý-jattyǵý jıynyn uıymdastyrady.

Sondaı-aq týrnırdiń negizgi resmı bóliminen basqa, qonaqtar úshin ekskýrsııalyq jáne oıyn-saýyq baǵdarlamasy daıyndaldy.