Aqtaýda Ákeler keńesi qurylady

AQTAÝ. QazAqparat – Aqtaýda 18 maýsym – ákeler kúnine oraı «Áke – asqar taý» atty dóńgelek ústel ótti. Onda Aqtaýda Ákeler keńesin qurý jóninde sheshim qabyldandy, dep habarlaıdy QazAqparat tilshisi.

«Bıyl elimizde alǵash ret Ákeler merekesi toılanyp jatyr. Bul óte jaqsy bastama dep oılaımyn. Qoǵamda ákeniń de, ananyń da róli birdeı mańyzdy. Balalarymyz ákege qaraı boı túzep, onyń tárbıesimen elge-jerge degen mahabatty, erjúrektilikti, jigittik qasıetterdi boıyna sińiredi. Barlyq asqar taý ákelerdi merekemen quttyqtaımyn» - dedi Aqtaý qalasy ákiminiń orynbasary Nurtas Salı.

Jıynda Islam dinindegi ákeniń paryzy men mindetteri, ákelerdiń qoǵamdaǵy róli, bala tárbıesi, tektilik, ákeniń jaýapkershiligi jaıly oılar ortaǵa salyndy.

Foto: mangystaumedia.kz