Aqtaýda 3 jigitke zorlyq-zombylyq jasaǵan 7 kúdikti ustaldy
«Sońǵy ýaqytta áleýmettik jelide qupııa orynǵa esirtki qaldyryp ketkenderdi jazalaǵan sát beınelengen vıdeo taraýda. Eki rolıkte taspalanǵan oqıǵa osy jyldyń mamyr jáne maýsym aılarynda Aqtaý qalasynda oryn alǵan. Qylmystyq is qozǵaldy. Qazirgi sátte úsh zardap shegýshi men 7 kúdikti anyqtaldy. Olardyń tórteýine «qamaýda ustaý» bultartpaý sharasy tańdap alyndy. Olar kinálaryn moıyndap kýálik berdi. Jasaǵan qylmystary úshin 3-ten 7 jylǵa deıin bas bostandyqtarynan aıyrylýy múmkin», - dedi ol mınıstrlikte ótken aptalyq brıfıng barysynda.
Onyń dereginshe, bıyl polıtsııa 4,5 myńnan astam esirtkige qatysty qylmystyq quqyq buzýshylyqty anyqtady. Onyń ishinde 959-y satý faktisi boldy. Zańsyz aınalymnan 5,5 tonnadan astam esirtki tárkilendi.
«Sıntetıkalyq esirtkilerdi tárkileý eki eseden astam ósti. Ol shamamen 90 kelini quraıdy. 23 esirtki zerthanasy joıyldy. Esirtki kontrabandasynyń 98 faktisi anyqtaldy. Esirtkini jarnamalaý faktileri boıynsha sotqa deıingi 97 is jáne esirtkini ınternet arqyly ótkizgeni úshin 177 is tirkeldi», - dedi Shuǵyla Turlybek.
Buǵan deıin Aqtaýda baltamen jáne ózge quraldarmen adamdardy uryp-soqqan 3 kúdikti qamaýǵa alynǵanyn habarlaǵan edik.
