Aqsýda meıramhana órtenip, turǵyn úı jaryla jazdady

PAVLODAR. KAZINFORM – Órt sóndirýshiler janyp jatqan ǵımarat ishinen eki gaz ballonyn alyp shyqqan. Osylaısha meıramhana ornalasqan kópqabatty turǵyn úıde yqtımal jarylystyń aldyn aldy. 

Bul týraly óńirlik tótenshe jaǵdaılar departamentiniń baspasóz qyzmeti habarlady.

«Aqsý qalasynda bes qabatty turǵyn úıde ornalasqan meıramhanada órt shyqqany týraly habarlama kelip tústi. Oqıǵa ornyna jetken órt sóndirýshiler dereý jalyndy sóndirýge kiristi. Qutqarýshylar as úıge kirgende kólemi 50 lıtr bolatyn eki gaz ballonyn tapqan. Olardy birden dalaǵa alyp shyqty. Osylaısha kópqabatty turǵyn úıde bolýy múmkin jarylystyń aldyn aldy», - dep málimdedi baspasóz qyzmetinen.

Órt kezinde meıramhanada eshkim bolmaǵan. Zardap shekkender joq. Jalyn 10 sharshy metrdi sharpyǵan.

Eske sala keteıik, Pavlodarda jer úı órtenip, 40 jastaǵy er adam kóz jumdy.