Aqsha aıyrbastaý oryndarynda dollar quny ósti

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.

KASE qor naryǵyndaǵy kúndizgi saýda qorytyndysy boıynsha, dollar baǵamy 0,84 teńgege qymbattady. Bir AQSh dollarynyń ortasha baǵamy — 524, 65 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 524,5 teńgeden satylyp jatyr, satyp alý baǵamy — 529 teńge. Eýro 548 — 555 teńge aralyǵynda qubylyp tur.

Al, Astana qalasy boıynsha dollardy satý baǵamy — 525 teńge, satyp alý quny — 532 teńge. Eýro 545 teńgeden satylyp, 555 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,03 - 5,17 aralyǵynda saýdalanyp jatyr.

Ulttyq banktiń 5 jeltoqsanǵa arnalǵan resmı baǵamy — 1 dollarǵa 523,58 teńge. Reseı rýbliniń ortasha saralanǵan quny — 5,01 teńge. Eýro — 549,71.

Ulttyq bank bazalyq mólsherlemeni 15,25%-ǵa deıin kóterdi.

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty. 

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr.