Aqsha aıyrbastaý oryndarynda dollar qansha teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 507 — 513 teńgeden saýdalanyp jatyr.

Ulttyq banktiń 12 maýsymǵa usynǵan resmı baǵamy — bir dollarǵa 507,80 teńge. Reseı rýbliniń ortasha saralanǵan quny — 6,44 teńge. Eýro — 580,82

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 512 teńgeden satylyp jatyr, satyp alý baǵamy —509 teńge. Eýro satyp alý baǵamy — 582 satý quny — 586.

Al, Astana qalasy boıynsha dollardy satý baǵamy — 513 teńge, satyp alý quny — 507 teńge.

Eýro 578 teńgeden satyp alynyp, 585 teńgeden satylyp jatyr.

Dál qazirgi ýaqytta aqsha aıyrbastaý oryndarynda Reseı valıýtasy 6,32 — 6,48 aralyǵynda saýdalanyp jatyr.

Aıta keteıik, 11 maýsym kúndizgi saýda qorytyndysy boıynsha, dollardyń ortasha baǵamy 0,59 teńgege tómendep, 507,80 teńge bolǵan. 

Buǵan deıin Tımýr Súleımenov bazalyq mólsherleme kez kelgen ýaqytta ózgerýi múmkin ekenin aıtqan bolatyn. 

Qazaqstandyq ekonomıster teńgeniń nyǵaıýyna múmkindik bar ekenin aıtty.