Aqsha aıyrbastaý oryndarynda dollar qansha teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 500 – 506 teńgeden saýdalanyp jatyr.

Доллар/ деньги
Коллаж: Canva

Ulttyq banktiń 3 sáýirge usynǵan resmı baǵamy — bir dollarǵa 503,05 teńge. Reseı rýbliniń ortasha saralanǵan quny — 5,98 teńge. Eýro — 542,99.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 505 teńgeden satylyp jatyr, satyp alý baǵamy — 501 teńge. Eýro 541 — 547 teńge aralyǵynda qubylyp tur.

Al, Astana qalasy boıynsha dollardy satý baǵamy — 506 teńge, satyp alý quny — 500 teńge. Eýro 538 teńgeden satyp alynyp, 545 teńgeden satylyp jatyr.

Dál qazirgi ýaqytta aqsha aıyrbastaý oryndarynda Reseı valıýtasy 5,77 - 5,97 aralyǵynda saýdalanyp jatyr.

Aıta keteıik, 2 sáýir keshki saýda qorytyndysy boıynsha, dollardyń ortasha baǵamy 0,03 teńgege tómendep, 503,06 teńge bolǵan.

Buǵan deıin Ulttyq banktiń bazalyq mólsherlemeni kótergeni týraly jazǵan edik. 

Qazaqstandyq ekonomıster teńgeniń nyǵaıýyna múmkindik bar ekenin aıtty.

 

Сейчас читают