Aqsha aıyrbastaý oryndarynda dollar 525 – 532 teńgeden saýdalanyp jatyr

ALMATY. KAZINFORM — Astana men Almaty qalalaryndaǵy aqsha aıyrbastaý pýnktterinde dollar 525 — 532 teńgeden saýdalanyp jatyr

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 526 teńgeden satylyp jatyr, satyp alý baǵamy — 531,5 teńge. Eýro 542 — 548 teńge aralyǵynda qubylyp tur.

Al, Astana qalasy boıynsha dollardy satý baǵamy — 525 teńge, satyp alý quny — 532 teńge. Eýro 537 teńgeden satylyp, 550 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,80 — 5,07 aralyǵynda saýdalanyp jatyr.

Ulttyq banktiń usynǵan resmı baǵamy — 1 dollarǵa 525,11 teńge. Reseı rýbliniń ortasha saralanǵan quny — 4,88 teńge. Eýro — 546,74.

Aıta keteıik, 31 jeltoqsan keshki saýda qorytyndysy boıynsha, dollardyń ortasha baǵamy 1,53 teńgege qymbattap, 525,10 teńge bolǵan.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty. https://kaz.inform.kz/news/2025-zhili-dollar-545-tengege-deyn-barui-mumkn-karzhigerler-kauimdastigi-d58dd8/

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty.

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr.

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.