AQSh ıemendik hýsıtterdi qaıtadan «terrorlyq uıym» dep tanydy

ASTANA. KAZINFORM - Mundaı sheshim AQSh prezıdenti Donald Tramptyń jyl basyndaǵy osyndaı qadamǵa shaqyrýynan keıin qabyldandy, dep habarlaıdy Kazinform tilshisi.

AQSh-tyń Memlekettik departamenti seısenbi kúni ıemendik hýsıtter qozǵalysyn «sheteldik lańkestik uıym» dep ataıtynyn málimdedi.

- Hýsıtter qozǵalysynyń qyzmeti Taıaý Shyǵystaǵy amerıkalyq beıbit turǵyndar men qyzmetkerlerdiń, eń jaqyn aımaqtyq seriktesterimizdiń qaýipsizdigine jáne jahandyq teńiz saýdasynyń turaqtylyǵyna qaýip tóndiredi, - dedi Memlekettik hatshy Marko Rýbıo.

- AQSh halyqaralyq bıznes júrgizemiz degen jeleýmen hýsıtter sııaqty terrorıstik uıymdarmen yntymaqtasatyn eshbir elge jol bermeıdi, - dep qosty ol.

Memlekettik departament ókili bul operatsııa aıasynda jasalǵan is-sharalar hýsıtter mártebesin qaıta taǵaıyndaý týraly qańtardaǵy sheshimdi júzege asyrý ekenin aıtty.

AQSh-tyń burynǵy prezıdenti Djo Baıden 2021 jyly prezıdenttik merziminiń basynda Hýsıtterden burynǵy Tramp ákimshiligi terrorıstik uıym dep tanyǵan sanktsııalardy alyp tastady. Mundaı qadam Iemendegi gýmanıtarlyq máselelerdi sheshýge baǵyttalǵan.

2025 jyldyń qańtarynda AQSh prezıdenti Donald Tramp hýsıtterdi sheteldik terrorıstik uıym retinde qaıta taný týraly Jarlyqqa qol qoıdy. Endi AQSh Memlekettik departamenti bul sheshimdi resmı túrde «Ansar Allany» sheteldik terrorıstik uıymdardyń tizimine engizdi.

Osyǵan deıińn Donald Tramptyń «Ansar Allah» (Iemenniń kóp bóligin baqylaıtyn hýsıtter) tobyn terrorıstik uıym retinde qaıta taný protsesin bastaý týraly jarlyqqa qol qoıǵany týraly jazdyq.