AQSh ıadrolyq áleýetin jańǵyrtpaqshy

ASTANA.KAZINFORM - AQSh-tyń Ulttyq ıadrolyq qaýipsizdik basqarmasy B61-13 ıadrolyq bombasyn óndirýdi merziminen bir jyl buryn aıaqtady, dep habarlaıdy AQSh Energetıka mınıstrligi.

- Amerıkanyń ıadrolyq arsenalyn modernızatsııalaý prezıdent Tramptyń «Beıbitshilik kúsh arqyly» josparyna qol jetkizý úshin óte mańyzdy. B61-13 óndirisiniń tańǵalarlyq jyldamdyǵy bizdiń ǵalymdarymyz ben ınjenerlerimizdiń tapqyrlyǵynyń dáleli boldy, - dedi AQSh-tyń Energetıka mınıstri Krıs Raıt.

AQSh óziniń alǵashqy ıadrolyq gravıtatsııalyq bombasyn, V61-13 qurastyrýdy merziminen bir jyl buryn aıaqtady.

- Onyń óndiris kestesi eń joǵary qaýipsizdik standarttaryn saqtaı otyryp jáne basqa alty modernızatsııa baǵdarlamasyn buzbaı, 25 paıyzǵa jedeldetildi, - dedi Qorǵanys baǵdarlamalary ákimshisiniń orynbasary Devıd Hogland.

B61-13 pen B61-12 múmkindikterdi uqsas, biraq qataıtylǵan jerasty býnkerleri nemese áskerı qondyrǵylar sııaqty úlkenirek, kúrdelirek áskerı nysandardy joıý úshin joǵary jarylǵysh ónimdilikpen jasalǵan, dep habarlaıdy The Defence Post.

B61-13 oqtumsyǵy tek B-2 Spirit jáne bolashaq B-21 Raider sııaqty strategııalyq bombalaýshy ushaqtarda qoldanylady. Bul basqa B61 nusqalarynan aıyrmashylyǵy, olardy keń aýqymdy joıǵyshtar men bombalaýshy ushaqtardan ushyrýǵa bolady.

Eýropadaǵy AQSh bazalaryna ornalastyrylǵan B61-12 ushaqtarynan aıyrmashylyǵy, B61-13 tek AQSh kontınentindegi bazalarǵa ornalastyrylǵan.

Buǵan deıin prezıdent Donald Tramptyń ókilettiligi aıaqtalmaı turyp «Altyn kúmbez» zymyranǵa qarsy qorǵanys júıesin jasaý josparyn jarııalaǵany habarlanǵan bolatyn.