AQSh Vetnammen saýda kelisimine qol qoıdy

ASTANA.KAZINFORM - AQSh prezıdenti Donald Tramp Vetnammen qol jetkizilgen eki el arasyndaǵy yntymaqtastyqtyń bastaýy bolatyn saýda kelisimin joǵary baǵalady, dep habarlaıdy Kazinform tilshisi.

Tramptyń Truth Social basylymyndaǵy málimdemesine sáıkes, Vetnam Amerıka Qurama Shtattaryna barlyq taýarǵa 20% jáne Vetnam arqyly tranzıtpen jetkiziletin taýarlarǵa 40% baj salyǵyn tóleıdi.

Óz kezeginde AQSh saýda seriktesiniń naryǵyna tolyq qol jetkize alady jáne amerıkalyq ónimderdi Vetnamǵa nóldik baj salyǵymen satady.

Hanoı Tramptyń jaýap bajdarynyń merzimi aıaqtalǵanǵa deıin AQSh-pen kelisim jasap úlgerdi. Alaıda taraptar arasyndaǵy kelisimniń egjeı-tegjeıi ázirge aıtylmady.

Amerıka prezıdentiniń tarıfteri qaıtadan kúshine engenshe, shet elder 9 shildege deıin AQSh-pen saýda jáne tarıftik kelisimder jasasýy kerek.

Birinshi kelisim Ulybrıtanııamen, keıin Qytaımen jasalǵany buǵan deıin habarlanǵan bolatyn.

Aıta keteıik, Qazaqstan bıdaıy Vetnamǵa eksporttaldy.