AQSh-tyń áskerı qyzmetkerleri tikushaq apatynan qaza tapty

ASTANA. KAZINFORM — Vashıngton shtatynda tikushaq apatqa ushyrap, 4 amerıkalyq áskerı qyzmetker qaza tapty, dep jazdy Report.

Apat týraly AQSh armııasynyń arnaıy operatsııalyq qolbasshylyǵy málimdegen.

- Aqparatqa sáıkes, tikushaq 17 qyrkúıek kúni keshke kezekti oqý-jattyǵýyn oryndaǵan. Olar jattyǵýdy Lıýıs-Makkord áýe kúshteri bazasyna jaqyn jerde júrgizgen. Bortta tórt adam bolǵan, olardyń aty-jóni áli jarııalanbady. Sondaı-aq apattyń sebebi anyqtalǵan joq, - delingen aqparatta.

Oqys oqıǵany Terston okrýginiń sherıf keńsesi habarlaǵan.

Aıta keteıik, buǵan deıin AQSh-ta jolaýshylar mingen tikushaq apatqa ushyrady.