AQSh-taǵy saılaý: Baıden demalys kúnderi kandıdattyqtan bas tartýy múmkin

ASTANA. KAZINFORM — AQSh prezıdenti Djo Baıden aldaǵy demalys kúnderi Kongress basshylary tarapynan jasalǵan qysymnyń artýyna baılanysty prezıdenttik jarystan shyǵýy múmkin, dep habarlady Demokratııalyq partııanyń jetekshi músheleri Axios-qa.

Demokrattar, sondaı-aq, Baıden prezıdenttik básekeden bas tartpasa, partııa Kongrestegi kópshilik daýysyn joǵaltady, al Donald Tramptyń jeńisi Baıden ákimshiliginiń barlyq jetistikterin joqqa shyǵarady dep qaýiptenedi.

Axios aqparat kózderiniń habarlaýynsha, eń yqtımal stsenarıı - Baıdenniń prezıdenttik básekeden ketýi, al onyń ornyna AQSh vıtse-prezıdenti Kamala Harrıs keledi. 

Aldyńǵy kúni Aqúıdiń baspasóz hatshysy Karın Jan-Per Baıdenge koronavırýsty qaıta juqtyrý dıagnozy qoıylǵanyn habarlady.

Memleket basshysy ózin-ózi oqshaýlaý úshin Delaverdegi úıine bardy, biraq barlyq mindetterin qashyqtan oryndaıdy.

New York Times-tiń habarlaýynsha, Demokratııalyq partııanyń negizgi donorlary Baıden saılaýdan bas tartqansha, prezıdenttik naýqanǵa 90 mıllıon dollarǵa jýyq qaıyrymdylyq kómekterin toqtatqan.