AQSh-ta jasóspirim mektepte oq atty: 30 adam jaralandy, qaıtys bolǵandar bar

ASTANA. KAZINFORM - AQSh-ta mektep oqýshysy oq jaýdyryp, 30-ǵa jýyq adam jaralandy, qaza tapqandar bar. Bul týraly CNN jazdy.

Sársenbi kúni tańerteń Djordjııa shtaty Barroý okrýgi Vınder qalasyndaǵy Apalachı orta mektebinde atys boldy. Oq atqan 14 jastaǵy jasóspirim bolýy múmkin. Biraq ol osy mekteptiń oqýshysy ekeni ázirge naqty anyqtalmady. Quqyq qorǵaý organdarynyń málimetinshe, kúdikti tiri jáne qamaýda.

Barroý okrýginiń sherıfi Djad Smıt oqıǵa ornynda ótken baspasóz máslıhatynda bılikke tańǵy saǵat 9:30 shamasynda oqıǵa týraly qońyraý túskenin aıtty. Kúdikti ustalyp, ýaqytsha ustaý abaqtysyna qamalǵan. Qazir tergeý amaldary júrgizilip jatyr. Zardap shekkenderdiń sany týraly habarlanǵan joq. Sonymen birge atys saldarynan tórt adamnyń qaza tapqany belgili boldy. Taǵy toǵyz adam túrli jaraqat alyp, aýrýhanaǵa jetkizilgen.

Quqyq qorǵaý organdaryndaǵy derekkózderdiń aıtýynsha, barlyǵy 30-ǵa jýyq adam jaralanǵan. Alaıda olardyń qanshasy oqtan jaraqat alǵany belgisiz.