AQSh-ta maımyl sheshegin jetinshi bala juqtyrdy

VAShINGTON. QazAqparat – Florıda shtatynyń aýrýlardy baqylaý jáne aldyn alý ortalyǵynyń málimetinshe, Martın okrýgindegi balanyń maımyl sheshegi aýrýyna tapsyrǵan testi oń nátıje kórsetken, dep habarlaıdy QazAqparat ABC News basylymyna silteme jasap.

Dárigerlerdiń aıtýynsha, Florıdada aýrý juqtyrǵan balanyń jasy 4 jastan aspaǵan. Qazirgi ýaqytta AQSh-ta jeti balanyń maımyl sheshegi aýrýyna tapsyrǵan testi oń nátıje kórsetken.

Sońǵy jaǵdaı 12 tamyzda Men shtatynda jarııalandy, onda balanyń testileý nátıjesi rastalǵan.

Buǵan deıin Kalıfornııada eki jaǵdaı, Indıanada taǵy eki jaǵdaı jáne Vashıngtonda bir jaǵdaı tirkelgen.

Ótken aptada azyq-túlik jáne dári-dármekter basqarmasy maımyl sheshegi aýrýyn juqtyrý qaýpi joǵary 18 jasqa deıingi balalardy vaktsınalaýǵa ruqsat berdi.

Qazirgi ýaqytta búkil álem boıynsha maımyl sheshegin juqtyrýdyń 32 myńǵa jýyq jaǵdaıy tirkelgen, onyń ishinde 11 myńnan astamy – AQSh-ta anyqtalǵan. Bul kez-kelgen elge qaraǵanda kóp.

Foto:abcnews.go.com