AQSh-ta alty mıllıon bala koronavırýs juqtyrdy

VAShINGTON. QazAqparat – Amerıkalyq pedıatrııa akademııasy men balalar aýrýhanalary qaýymdastyǵynyń sońǵy esebine sáıkes, 2022 jyly AQSh-ta 6 mıllıonnan astam bala karonavırýs juqtyrǵany tirkeldi, sońǵy tórt aptada taǵy 287 myń baladan osy ınfektsııa anyqtalǵan. Bul týraly QazAqparat News CN-ge silteme jasap habarlaıdy.

Dúısenbide jarııalanǵan esepte Qurama Shtattardaǵy balalar arasynda COVID-19 aýrýynyń sany bir jyl burynǵydan áldeqaıda kóp ekeni anyqtaldy. Osyǵan baılanysty, vırýstyń jańa nusqalarymen baılanysty aýrýdyń aýyrlyǵyn, sondaı-aq balalar men jastardyń fızıkalyq jáne psıhıkalyq densaýlyǵyna yqtımal uzaq merzimdi saldaryn baǵalaý úshin jasqa baılanysty derekterdi kóbirek jınaý qajet.

Pandemııa bastalǵannan beri Qurama Shtattarda 13,9 mıllıonnan astam bala koronavırýsqa oń nátıje berdi.

AQSh densaýlyq saqtaý departamentiniń málimetinshe, bes jasqa deıingi 30 myńnan astam amerıkalyq bala aýrýhanaǵa jatqyzyldy, 500-ge jýyq adam qaıtys boldy.

Foto: english.news.cn