AQSh shekara máselesin sheshýi úshin 100 mıllıard dollar qajet

NЬıÝ-IORK. KAZINFORM – Zańsyz kóshi-qon máselesin sheshý jáne AQSh shekarasyn qorǵaý úshin shamamen 100 mıllıard dollar bólý qajet, dedi AQSh-tyń Respýblıkalyq partııa ókili Lındsı Grem. Ol sondaı-aq zańsyz kóshi-qon jaǵdaıyn jaqsartý úshin ýaqytsha ornalastyrý ortalyqtaryndaǵy oryndardyń sanyn úsh eseden astamǵa kóbeıtý qajet ekenin atap ótti, dep jazady TASS.

– Munyń barlyǵyna shamamen 100 mıllıard dollar kerek, men basqa shyǵyndardy qysqartý arqyly 100 mıllıard dollar bólýge daýys berýge daıynmyn, – dedi ol Fox News-ke bergen suhbatynda.

Mıgratsııalyq daǵdarys Amerıka Qurama Shtattaryndaǵy saılaý jarysyndaǵy negizgi máselelerdiń birine aınaldy, respýblıkashyldar onyń kúrt nasharlaýyna Djo Baıden ákimshiligi men demokrattardy kinálaıdy. 

AQSh-tyń jańadan saılanǵan prezıdenti Donald Tramp kópshilik aldynda sóılegen sózinde ınaýgýratsııadan keıin Amerıka tarıhyndaǵy zańsyz mıgranttardy deportatsııalaý boıynsha eń iri operatsııany júzege asyrýǵa nıetti ekenin birneshe ret aıtqan.

5 qarashada ótken prezıdent saılaýynda Tramp jeńiske jetti. Ol Demokratııalyq partııanyń ókili, AQSh vıtse-prezıdenti Kamala Harrısti jeńdi. Respýblıkashyldar Kongress Senatyn baqylaýǵa aldy, sonymen qatar Ókilder palatasyndaǵy kópshilikti saqtap qaldy. Tramptyń ınaýgýratsııasy 2025 jyldyń 20 qańtarynda ótedi.

Aıta keteıik, Myńdaǵan bosqyn Meksıkadan AQSh shekarasyna qaraı baǵyt aldy. Olar Tramp saılanǵanǵa deıin AQSh-qa kirýge nıetti.